ခြေရာ

ညနေ၅နာရီခွဲပြီ… စက္ကန့်လက်တံနဲ့ အတူ ကျွန်တော့်ရင်တွေ တဒိတ်ဒိတ်ခုန်နေလေရဲ့… ပလက်ဖောင်းဘေးက သစ်ပင်အကွယ်လေးမှာ  သူမကျူရှင်ဆင်းချိန်တိုင်း ကျွန်တော့်စက်ဘီးလေးနဲ့…ရပ်စောင့်ချောင်းကြည့်ရတာ ကျွန်တော့်အတွက် မဟာစွန့်စားခန်းကြီးပေါ့ဗျာ… ကျွန်တော့်ကျူရှင်ကို ပြေးပြီး သူမကျူရှင်ဆင်းချိန်အမှီလာစောင့်ရတာဗျ… သူမရဲ့ အပြုံးလေးတွေ လွင့်နေတဲ့ဆံနွယ်လေးတွေ…သူမရဲ့ချစ်စရာကောင်းတဲ့မျက်နှာလေးကို …၃မိနစ်လောက်မြင်ရဖို့ ..ဘယ်နေရာမှာ…ဘယ်လိုအခြေအနေမျိုးနဲ့ ဖြစ်ဖြစ်…ဘယ်လောက်စောင့်ရစောင့်ရ ကျွန်တော်စောင့်မှာပါ…ကျွန်တော်ဒီနေ့ ကံအရမ်းကောင်းခဲ့ရင်… သူမသူငယ်ချင်းတွေနဲ့ စကားပြောရင်း တစ်ချက်လှမ်းကြည့်မဲ့… သူမရဲ့မျက်စောင်းလေးတစ်ချက်ကို… ဒီနေ့ အတွက် ကျွန်တော့်ရဲ့ဇွဲဆုလေးအဖြစ်ကျွန်တော်ရချင်ရမှာပါ…ကျွန်တော့်ရှေ့က သူမဖြတ်သွားမဲ့ စက္ကန့်ပိုင်းလေးအတွင်းမှာ သူမသူငယ်ချင်းတွေ ကျွန်တော့်ကို လှောင်ရယ်ချင်ရယ်ပါစေ… မထိတထိစချင်စကြပါစေ…သူငယ်ချင်းတွေကြားထဲ ပုန်းကွယ်လျှိုးနေမယ့် သူမရဲ့ အမူအရာလေးကို ဒီညအိပ်မက်ထဲထည့်မက်ဖို့ ကျွန်တော်ရဲ့အိပ်မက်နတ်သမီးလေးကို စောင့်မျှော်ရင်း သူမကိုစတွေ့ခဲ့တဲ့နေ့လေးက အတွေးထဲဝင်လာခဲ့တယ်…
အဲဒီနေ့က ကျွန်တော်တို့ သူငယ်ချင်းတွေအုပ်စု မနက်စောစော မုန့်ဟင်းခါးဆိုင်ကို ရောက်နေကြတယ်ဗျ…မနက်စောစောဆိုလို့ အထင်တော့သိပ်မကြီးလိုက်ပါနဲ့ ဗျာ…မနက်၈နာရီခွဲလောက်ပါ…ပြီးတော့အဲဒီနေ့ကလည်း ကျွန်တော့်ဘော်ဒါတစ်ယောက် အိမ်ပြောင်းလို့ လိုက်ကူပေးဖို့ အတင်းခေါ်ထားလို့ သူတို့ရပ်ကွက်ကို ကျွန်တော်ကျူးကျော်လာခဲ့တာပေါ့…သူကကျွန်တော်တို့ကို ကူသယ်မပေးခင်  မနက်စာမုန့်ဟင်းခါးကို သူတို့အိမ်နားက မုန့်ဟင်းခါးဆိုင်မှာ အရင်ကျွေးတာဗျ.. အဲဒီမုန့်ဟင်းခါးဆိုင်တစ်ဆိုင်လုံးလဲ ကျွန်တော်တို့ အုပ်စုနဲ့ တင် ဗျောင်းကို ဆန်နေတာပါပဲဗျာ...မုန့်ဟင်းခါးဆိုင်က အဒေါ်ကြီးကို ကျွန်တော်တို့ တွေဝိုင်းစလိုက်ကြတာ… အဒေါ်ကြီးက အကြော်တွေတောင် အဆစ်တစ်ခုစီပေးလို့ ကျွန်တော်တို့ကို တော်တော်ခင်သွားခဲ့သေးတယ်.. အဲဒီမှာစတွေ့တာလို့ ပြောရမှာပဲ… သူမရဲ့ကျူရှင်က မုန့်ဟင်းခါးဆိုင်ရဲ့ မျက်စောင်းထိုးလေးမှာဗျ…သူမကို ပထမဆုံးသတိထားမိတာ ကျွန်တော်တော့မဟုတ်ခဲ့ပါဘူး.. မိန်းကလေးမြင်ရင် စလိုက်ရမှကျေနပ်တဲ့ ကျွန်တော်ရဲ့သူငယ်ချင်း ဖိုးလုံး.. “ဟိုမှာ ကောင်မလေးတစ်ယောက်တည်းပါလား…ဟေး… ဘယ်ညာ…ဘယ်ညာ…ဘယ်ညာ…ဘယ်ညာ…ဘယ့်”..
ကျွန်တော်တို့ အုပ်စုတောင့်ရင် တစ်ယောက်မဟ လိုက်နဲ့ နောက်ယောင်လိုက်ဖို့က အဆင်သင့်…အဲဒီနေ့က သူမ အဖြူရောင် ကချင်လွယ်အိတ်လေးလွယ်ထားပါတယ် ညှပ်ဖိနပ်လေးစီးပြီး ထမီမီးခိုးရောင်လေးနဲ့ အင်္ကျီအညိုရောင် လက်တိုလေးနဲ့ ရိုးရိုးရှင်းရှင်းလေးဝတ်ထားပါတယ်… ပုခုံးမကျော်သေးပေးမယ့် ဂုတ်ထောက်နေတဲ့ သူမရဲ့ဆံပင် ပျော့ပျော့ဖြောင့်ဖြောင့်လေးကို သဘာဝအတိုင်းချထားပါတယ်…ကျွန်တော့် နတ်သမီးလေးက ကျွန်တော်တွေ့ဖူးတဲ့ မိန်းကလေးတွေနဲ့ လုံးဝမတူခဲ့ပါဘူး (ကိုယ်ထင်ရင် ကုဒင်ရွှေနန်းဆိုချင်လည်းဆိုပါဗျာ)…စတတ်နောက်တတ်တဲ့ ကျွန်တော်တို့ အုပ်စုရှေ့က ဖြတ်ရင်..မိန်းကလေးတချို့က အနေရခက်ပြီး ရှပ်ပြာရှပ်ပြာနဲ့ အမြန်လျှောက်ကြတယ်… တချို့ကောင်မလေးတွေကျတော့လဲ ပဲပေးပြီး လျှောက်တတ်ကြတယ်ဗျ..တချို့ ကောင်မလေးတွေဆိုရင်လည်း ပြန်အော် ပြန်ဆဲသွားတတ်ကြသေးတယ်…ကျွန်တော့်နတ်သမီးလေးကတော့… နဂိုလျှောက်နေကျအတိုင်း ပုံမှန်ဖြတ်လျှောက်သွားရင်း…ကျွန်တော်တို့ကို တစ်ချက် စောင်းကြည့်ရုံကလွဲလို့ အိနြေ္ဒတစ်ချက်လေးတောင်မှမပျက်ခဲ့ဘူး…”ဟ….အဖတ်တောင် မလုပ်ဘူးဟ”.. အစသန်တဲ့ ဖိုးလုံးတောင် တအံ့တသြနဲ့ စစ်ရှုံးလေဟန်ညည်းလိုက်လို့ အားလုံး ဖိုးလုံးကို ၀ိုင်းရယ်လိုက်ကြတာ မုန့်ဟင်းခါးဆိုင်တစ်ဆိုင်လုံး ဆူညံသွားခဲ့ပါတယ်…မာနခဲလေး သူမကို မျက်စိတစ်ဆုံးငေးကြည့်နေမိတဲ့ ကျွန်တော်ကလွဲရင်ပေါ့…အဲဒီညက ကျွန်တော့် အိပ်မက်မမက်ခဲ့ပါဘူး …ဒါပေမယ့် နောက်နေ့မနက်ရောက်တော့ ကျွန်တော်သူငယ်ချင်းလည်း အိမ်ပြောင်းပြီးသွားလို့ မရှိတော့တဲ့ ရပ်ကွက်ကို ကျွန်တော်ထပ်ကျူးကျော်ပြီး မုန့်ဟင်းခါးဆိုင်လေးကို ဦးတည်ခဲ့တယ်… သူမကို ထပ်များတွေ့ရမလားဆိုတဲ့ မျော်လင့်ချက်က ကျွန်တော့်ရင်ခုန်သံကို မြန်စေခဲ့တယ်… မုန့်ဟင်းခါးတစ်ပွဲမှာပြီး သူမလာခဲ့တဲ့လမ်းဘက်ကို မျှော်ကြည့်ခဲ့တာ…အဲဒီနေ့က သူမကို မတွေ့ခဲ့ရပါဘူးဗျာ… ကျွန်တော့်ရင်ခုန်သံတွေရော မျှော်လင့်ချက်တွေပါ မုန့်ဟင်းခါးနဲ့ မျောပြီး မျိုချခဲ့ရတယ်…
သူငယ်ချင်းတွေကို လည်း ဖွင့်မပြောရဲဘူးဗျ… သူတို့ တွေ ကောင်မလေးတွေကို စိတ်ဝင်စားတုန်းက ကျွန်တော်ပဲ လက်ချာရိုက်ပြီး ဆုံးမထားတာကို.. “ကိုယ့်လွတ်လပ်ချိန်တွေကို … အချိန်ကုန်ခံလို့… လူငယ်ပီပီ ပျော်ပျော်ပါးပါး နေစမ်းပါ”…အခုတော့ဗျာ သူများကိုကဲ့ရဲ့မိလို့ ထင်ပါရဲ့.. ကျွန်တော်လွတ်လပ်ချိန် ကျွန်တော့်ကိုယ်ပိုင်ချိန်တွေဟာ သူမရဲ့ ကျူရှင်ချိန်တွေစုံစမ်းရ သူမရဲ့ အိမ်လိပ်စာသိဖို့ နောက်ယောင်ခံလိုက်ရ… သူမသွားတတ်တဲ့ နေရာတွေကို လိုက်စောင့်ကြည့်ရနဲ့ ကျွန်တော် အပျော်ကြီးပျော်နေတတ်ပါပြီ… တကယ်တော့ ကိုယ်ချစ်တဲ့ သူတစ်ယောက်အကြောင်း လိုက်စုံစမ်းရတာ အချိန်ကုန်မှန်းမသိ ကျေနပ်ပီတိတွေဖျာနေတတ်မှန်း သူမကြောင့် ကျွန်တော် သိတတ်ခဲ့ရပါပြီ…


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
အပိုင်း(၂)
ကျူရှင်ဆင်းလာတဲ့ သူမကို အဝေးက လှမ်းကြည့်လိုက်ရုံမျှနှင့် ကျွန်တော့် အမောတွေ ပြေခဲ့ရပြန်ပါတယ်…သူမကို အိပ်မက်ထဲထိဘယ်လောက် စွဲလမ်းစွဲလမ်း… သူမကို တွေ့တိုင်း ဘယ်လောက်ရင်ခုန်ရင်ခုန်.. ကျွန်တော်ရဲ့ မျော်လင့်ခြင်းဟာ… သူမဆီက နေ့စဉ်အပြုံးတစ်ပွင့် … အကြည့်တစ်ချက်နဲ့ လုံလောက်နေခဲ့ပါတယ်… ကျွန်တော်မှာ သူမကို ဖွင့်ပြောဖို့ မပြောပါနဲ့ သူမရဲ့အကြည့်စူးစူးကို တစ်မိနစ်ပြည့်အောင်တောင် ကျွန်တော်ရင်မဆိုင်ရဲခဲ့ပါဘူးဗျာ …

ကျွန်တော့်သူငယ်ချင်းတွေက လည်း သိကုန်ကြပါပြီ… ကျွန်တော့်ကို ဘယ်လောက်ဟားဟား ဘယ်လောက်တားတား… အချည်းအနှီးပဲဆိုတာကိုလည်း သူတို့ သဘောပေါက်ပြီးသားဖြစ်နေပါပြီ…
“ဖိုးစည်…မင်းဟာ ဘာလဲကွ…ရှေ့လည်းမတိုး… နောက်လည်းမဆုတ်… ဘာမှလည်းမလုပ်…တစ်နေ့တစ်နေ့ ရပ်စောင့်ကြည့်နေတော့… မင်းဆီ ကောင်မလေးက အလိုလိုလာမလား…”
“စည်သူ… ငါတို့ နဲ့ ဘောလုံးလိုက်မကန်တာလည်း ကြာပြီ ဒီနေ့တော့ လိုက်ခဲ့ပါလားကွာ..မင်းကောင်မလေးကို ဒီတစ်ရက်သွားမစောင့်လို့ ဘာမှဖြစ်မသွားပါဘူးကွာ.. ဟိုက မင်းကို အဖတ်တောင်လုပ်တာမဟုတ်ဘူး”…
“ဟာ တော်ပါပြီကွာ ဒီကောင် ခွေးအကြီး လည်လိမ်ထားသလို… ပုံစံနဲ့ .. ဘယ်လောက်ပြောပြော..ခွေးမီးကောက်ခြေထောက်စွပ်ပဲ..ခွေးကောင် မလိုက်လည်းနေ… ငါတို့ သွားပြီ”…
သူငယ်ချင်းတွေရဲ့ အဆိုအဆဲ အကြိမ်းအမောင်းတွေကို ပြုံးပြုံးလေးခံရင်း နာရီလှမ်းအကြည့် မှာ သူမကျူရှင်ဆင်းချိန်ရောက်ဖို့ ၅မိနစ်အလို မှန်းသတိပြုမိလိုက်ပါတယ်…ကျွန်တော်တို့ ရပ်ကွက်နဲ့ သူမတို့ရပ်ကွက်ကြားမှာ ဗဟိုလမ်းတစ်ခုပဲခြားပေမယ့် ကျွန်တော့်နေရာနဲ့ သူမကျူရှင် ဆီရောက်ဖို့ စက်ဘီးအမြန်နင်းရင်တောင် ၅ မိနစ်လောက်ကြာပါတယ်… အလျင်လိုစိတ်နဲ့ ကျွန်တော် စက်ဘီးပေါ်ကို အမြန်တက်ပြီး စနင်းခဲ့ပါတယ်…ညနေဘက်ရုံးဆင်းချိန်လည်းဖြစ်နေတော့ ကားလမ်းတွေပိတ်နေတာကိုကြည့်ပြီး ကျွန်တော့်ရဲ့စိုးရိမ်ပူပန်စိတ်က အမြင့်ဆုံးကို ရောက်လာခဲ့ပါတယ်…စက်ဘီးကဘယ်လိုမှဆက်နင်းလို့မရတော့တဲ့ အခြေအနေထိ…ကားတွေကြပ်နေခဲ့တာပါ…ဒါပေမယ့် ကျွန်တော် စက်ဘီးပေါ်က မဆင်းခဲ့ဘူး ..စက်ဘီးဆင်းတွန်းပြီးသွားရင် ၁၅မိနစ်လောက်ကြာသွားလိမ့်မယ်ဆိုတာကို ကျွန်တော်သိနေတဲ့ အတွက် သူမဆီ အချိန်မှီသွားဖို့ အကြံတစ်ခုဘွားခနဲပေါ်လာပါတယ်… ကားလမ်းပိတ်နေတဲ့ သွားနေကျလမ်းသွယ်ကပြန်ထွက်ပြီး ကားလမ်းမဘက် ကို လမ်းကြောင်းပြောင်းလိုက်ပါတယ်…သူမရဲ့ မျက်နှာလေးကို မြင်ယောင်ရင်း…ကျွန်တော့်ရဲ့ ရင်ခုန်သံတွေ တဒိတ်ဒိတ်နဲ့ တွေ့သမျှ ဆိုက်ကား တွေကားတွေကို ကျော်တက်ပြီး ကျွန်တော် အပျော်လွန်နေခဲ့ပါတယ်… သူမကျူရှင်ရှိရာ လမ်းကို ရောက်တော့ ကျွန်တော် ၅မိနစ်နောက်ကျသွားပြီပေါ့ဗျာ… ကျွန်တော့်အတွက် ဒီနေ့ က မျက်နှာသာမပေးဘူးဆိုတာ ကျွန်တော်သဘောပေါက်ခဲ့ပါတယ် ... ကျွန်တော်စက်ဘီးပေါ်ကမဆင်းခင်မှာပဲ… သူမရဲ့ကျူရှင်က ဆင်းလို့ ကျောင်းသူကျောင်းသားတွေထွက်လာနေကြပါပြီ… ကျွန်တော် လူအုပ်ကြားထဲမှာ သူမကို စက်ဘီးပေါ်ကနေပဲ အသာလေးနင်းရင်း လိုက်ရှာနေမိလိုက်တယ်…လူအုပ်နဲနဲကျဲသွားပြီး နောက်မှာ ပန်းရောင် အင်္ကျီလေးနဲ့ ဆံပင်ဂုတ်ထောက်သူမရဲ့ နောက်ကျောကို ကျွန်တော် လှမ်းမြင် နေရပါပြီ… ဒီနေ့ သူမနဲ့ သူမသူငယ်ချင်းတစ်ယောက်ပဲပါလာပါတယ်…ကျွန်တော်စောင့်နေကျနေရာကို လှမ်းကြည့်လိုက်တဲ့ သူမကို တွေ့လိုက်ရတော့ ကျွန်တော့်ရင်တွေ ဗြောင်းဆန်သွားလောက်အောင် ပျော်လိုက်တာ ပြောမနေပါနဲ့ ဗျာ… သူမစိတ်ထဲမှာ ကျွန်တော်ဆို တာတစ်ထောင့်တစ်နေရာလေးမှာ တစ်ခဏလေးပဲဖြစ်ဖြစ် ရှိတယ်ဆိုရင်ပဲ ကျွန်တော် ကြိုးပမ်းရကျိုးနပ်နေပြီလေဗျာ… သူမရဲ့ မျက်နှာလေးကို တစ်ချက်မြင်ရဖို့ ကျွန်တော်အရဲစွန့်ပြီး သူမဘေးကို ဖြတ်မောင်းဖို့လာခဲ့ပါတယ်… သူမဘေးကို ဒီလောက်နီးနီး တစ်ခါမှ လမ်းလည်းမလျှောက်ဖူး စက်ဘီးလည်း ဖြတ်မနင်းဖူးလို့ ကျွန်တော့်ရင်တွေ တဒိတ်ဒိတ်ခုန်လာပါတယ် ဇောချွေးတွေပြန်လာပြီး အသက်ကို မှန်မှန် ရှုနေရပါတယ်…သူမဘေးကအဖြတ်…စက္ကန့်ပိုင်းလေးအတွင်း…သူမကိုယ်ကသနပ်ခါးနံ့လေးက …ကျွန်တော့်ရင်ထဲစူးနစ်သွားလိုက်တာ…အဲဒီစက္ကန့်ပိုင်းလေးကို တကမ္ဘာလုံးရပ်တန့်လိုက်လို့ရမယ်ဆိုရင်လေ…ကျွန်တော်သူမပါးလေးကို ခပ်ဖွဖွလေးနမ်းလိုက်ချင်တာ…တကယ်ခဏလေးပါပဲဗျာ…ပြီးတော့ ကျွန်တော်သူမကို ကျော်သွားခဲ့ပြီ…ဒါပေမယ့် သူမမျက်နှာလေးကို မြင်ချင်သေးတယ်ဗျ…အဲဒီအတွက် ကျွန်တော်စက်ဘီးပေါ်ကနေခေါင်းကို သမင်လည်ပြန်လှည့်ကြည့်လိုက်မိပါတယ်… အင်္ကျီပန်းရောင်လေးနဲ့ ထမီငါးပိရောင်လေးကို ၀တ်ထားတဲ့ သူမက … ကျွန်တော်စောင့်နေကျ ပလက်ဖောင်းဘေး က သစ်ပင် လေးကို အလိုမကျတဲ့ မျက်နှာထားလေးနဲ့ မျှော်ကြည့်နေတယ်လေ… ကဲဘယ်လောက်ချစ်ဖို့ ကောင်းလိုက်သလဲ.. ကျွန်တော်ဘယ်လောက်ပျော်နေမလဲဆိုတျာ ပြောပြမတတ်တော့ပါဘူးဗျာ…. ကျွန်တော်သူမကို ကြည့်မ၀သေးခင်မှာပဲ… သူမရဲ့ဘေးက သူငယ်ချင်းမလေးက ကျွန်တော့်ကို သတိထားမိသွားပြီး သူမကိုလက်ကုပ် အချက်ပေးတာတွေ့လိုက်ရပါတယ် …သူမက ကျွန်တော်စောင့်နေကျနေရာလေးကို လှမ်းမျှော်ကြည့်ရမှာ သူမသူငယ်ချင်းဘက်ပြန်လှည့်လာပြီး သူမသူငယ်ချင်းမေးငေါ့ပြရာ ကျွန်တော့်ဆီကို ကြည့်လိုက်ပါတော့တယ်..ကျွန်တော်ကို မြင်လိုက်တဲ့ အချိန်မှာ သူမရဲ့ရှက်သွေးဖျာသွားတဲ့ မျက်နှာ ပန်ရောင်လေးကို ကျွန်တော့်မြင်လွှာထဲ ဘယ်တော့မှမထွက်တော့ပါဘူးဗျာ ဒီနေ့ဟာကျွန်တော့်ရဲ့ အပျော်ဆုံးနေ့ပါပဲ …ဒါပေမယ့်လည်း ကျွန်တော်အပျော်တွေဟာ ခဏလေးပါပဲဗျာ... သူမရဲ့ ရှက်သွေးဖျာမျက်နှာလေးဟာ စက္ကန့်ပိုင်းလေးအတွင်း ပြောင်းလဲသွားပါတယ်..ကျွန်တော့် အရှေ့က တစုံတရာကို အံ့သြမှုတွေနဲ့ ကြည့်နေတာမြင်တော့ ကျွန်တော်ရှေ့ အပြန်လှည့်အကြည့်မှာ…အလွန်နီးကပ်နေပြီဖြစ်တဲ့ ကားတစ်စင်းရယ်…ပါးစပ်အဟောင်းသားနဲ့ ၀ိုင်းကြည့်နေကျတဲ့ လူတွေရယ်… စောင့်တက်သွားတဲ့ ခံစားမှုနဲ့ အတူ ကျွန်တော့်စက်ဘီးနဲ့ ကျွန်တော်နဲ့ တစ်နေရာစီကို လွင့်သွားခဲ့ပါတယ်… ပြီးတော့ ကျွန်တော့်ကမ္ဘာ အမှောင်အတိကျသွားခဲ့ပါပြီ…

xxxxxxxxxxxxxxxxxxxxx
ပထမရက်
သူမနဲ့ ကျွန်တော် နေ၀င်ကနေ နေထွက် ထိ တစ်နေ့လုံး ထမင်းမစား ဟင်းမစား တစ်ယောက်မျက်နှာ တစ်ယောက်ထိုင်ကြည့်နေလိုက်ကြတာ တစ်ခါတစ်ခါ အဆုံးမရှိတဲ့ လယ်ကွင်းပြင်ကြီးမှာ ပြေးလွှားဆော့ကစားရင်း မောခဲ့ရင် လယ်ကွင်းနားက သစ်ပင်ကြီးတစ်ပင်အောက်မှာ ကျွန်တော့်ပုခုံးလေးကို သူမကမှီပြီး နားကြသေးတယ်… သူမရဲ့ ရယ်မောသံ လေးတွေရယ်..ကျွန်တော်ကိုရှက်ပြုံးပြုံးပြီး ကြည့်နေတာလေးတွေရယ်… သူမရဲ့ သနပ်ခါးနံ့လေးတွေရယ်နဲ့ ကျွန်တော့်နတ်သမီးလေး ကျွန်တော့်ဘေးမှာရှိနေတာ တလောကလုံးကိုပြချင်လိုက်တာဗျာ…


ဒုတိယရက်
ကျွန်တော့် မျက်လုံးထဲကို အလင်းတွေဝင်လာတော့ ပထမဦးဆုံးမြင်ရတာက ကျွန်တော်မရင်းနှီးတဲ့ မျက်နှာကျက်တစ်ခုပါ… ပြီးတော့ အိပ်ယာတစ်ခုထဲကျွန်တော်ရောက်နေတယ် …ဘေးဘီဝဲယာလှည့်ကြည့်တော့ ကျွန်တော့် အခန်းမဟုတ်ခဲ့ဘူး… ကျွန်တော့်အနားက အသက်ရှုသံတစ်ခုက အိပ်ပျော်နေတဲ့ ကျွန်တော့်အမေ…ကျွန်တော်အိပ်မက်ကလှန့်နိုးခဲ့ပါပြီ ကျွန်တော့်ခြေထောက်တွေ ကို တစ်ခုခုက ချုပ်ကိုင်ထားတယ်…ခေါင်းတွေလည်းမူးလာတယ်..ကျွန်တော်ကိုယ်ပေါ်မှာလည်း တွယ်ထားချိတ်ထားတာတွေ..ဘာတွေလည်းမသိတော့ပါဘူး…ကျွန်တော့်အမေကို ခေါ်ဖို့ အားယူလိုက်ပေမယ့် အသံက ပါးစပ်ထဲကထွက်မလာခဲ့ဘူး…အမေ့ကို လှမ်းထိဖို့ လက်ကိုလည်းမ လို့ မရခဲ့ဘူး… ကျွန်တော်ကြိုးစားတယ်… အနည်းဆုံး ကျွန်တော့်လက်ချောင်းလေးတွေလှုပ်လို့ ရဖို့ ကျွန်တော် ရှိသမျှအားနဲ့ ကျွန်တော်ကြိုးစားတယ်.. ကျွန်တော့်လက်ညှိုး..လက်ခလယ်.. မောလိုက်တာဗျာ.. ကျွန်တော်ပြန်အိပ်ပျော်သွားပြန်တယ်…

တတိယရက်
ကျွန်တော်မြင်ဖူးတဲ့ မျက်နှာကျက်တစ်ခုပါပဲ… ပြီးတော့ ကျွန်တော့်ကိုဝိုင်းအုံကြည့်နေကြတဲ့ ဖေဖေ မေမေ ဒေါ်လေးရယ်.. ဆရာဝန်လို့ ထင်ရတဲ့ အဖြူရောင်ကုတ်ကို ၀တ်ဆင်ထားတဲ့ ဦးလေးကြီးက ကျွန်တော့် ရင်ဘတ်ကို နားကျပ်နဲ့ စမ်းနေရင်း…”စိုးရိမ်စရာမရှိတော့ပါဘူး… နောက်နှစ်ရက်လောက်ဆို ဆေးရုံပေါ်ကဆင်းလို့ရပြီ…ခြေထောက်က ကျောက်ပတ်တီးကို တော့ နောက်၂လလောက်ကြာမှ ပြန်လာဖြည်ပေါ့…”
“ဟုတ်ကဲ့ပါ ဒေါက်တာ ကျွန်မသားလေး အခုလိုမြန်မြန် နေပြန်ကောင်းသွားတာ ဒေါက်တာ့ကို အရမ်း ကျေးဇူးတင်တာပဲ ”…


တစ်လကြာပြီးနောက်
နွေကုန်လို့ ကျောင်းတွေလည်းပြန်ဖွင့်ပြီပေါ့ဗျာ…ဆယ်တန်းကျောင်းသားတစ်ယောက်အဖြစ် ပထမဆုံး ကျောင်းစတက်တဲ့ နေ့မှာ ခြေထောက်ကျောက်ပတ်တီးကြီး နဲ့ တက်ရတာတော့ ပဲ့တယ်လို့ပဲခေါ်ရမလား နည်းနည်းတော့ရှက်သလိုလိုပဲဗျ…ပြီးခဲ့တဲ့ တစ်လလုံး အိမ်ထဲမှာချည်းနေခဲ့ရတာ ကျောင်းဖွင့်မှပဲ ကျွန်တော် အပြင်ပြန်ထွက်ခွင့်ရလို့ ကျောင်းဖွင့်တာကိုပဲကျေးဇူးတင်ရတော့မယ်ဗျာ…


တစ်လဆိုတဲ့ ကာလအတွင်းမှာ ကျွန်တော့် စက်ဘီးလေးနဲ့ ကျွန်တော်နဲ့ လည်း သူစိမ်းတွေဖြစ်သွားကြပြီလေ…နောင်လည်း ဘယ်တော့မှ စက်ဘီးစီးခွင့်ရတော့မှာမဟုတ်ဘူးလို့ ဖေဖေနဲ့ မေမေက ကျွန်တော့်အတွက် အမိန့်ထုတ်ထားပြီးပြီ...

အဲဒီနေ့က ကျွန်တော့်အိမ်ကို ဖုန်းဆက်အကြောင်းကြားပေးတာ ကောင်မလေးတစ်ယောက်လို့ မေမေက ပြန်ပြောပြတော့..ကျွန်တော် စိတ်ထဲမှာ သူမများလားလို့ မျှော်လင့်မိတယ်ဗျာ.. ဒီတစ်လအတွင်း ကျွန်တော့်ကို စကားပြောချင်လို့ ဆိုပြီး ဖုန်းဆက်ပြီးစကားမပြောဘဲ ဖုန်းချချသွားတာလည်း သူမဖြစ်လိမ့်မယ်လို့ ကျွန်တော်ယုံကြည်နေချင်တယ်…ပြီးတော့ တစ်ပတ်တစ်ခါ ‘Hope you well soon’ ဆိုတဲ့ ပိုစ့်ကဒ်လှလှလေးတွေ ကျွန်တော့်လိပ်စာနဲ့ အမည်မသိပို့ သူ ပို့ပို့နေတာလည်း သူမဖြစ်လိုက်ပါတော့လို့ ကျွန်တော်ဆုတောင်းမိပါတယ်…

ကိုယ့်အတွေးနဲ့ ကိုယ်ပြုံးမိတဲ့ ကျွန်တော့်ကို ကျွန်တော်သူငယ်ချင်းတွေက လာစနောက်ကျရင်း ကျွန်တော်တို့ ရဲ့ ပထမဆုံး အတန်းကို သူတို့နဲ့ အတူအရင်ကလိုပဲ တက်လိုက်ကြပါတယ်…

“ဖိုးစည် မင်းကျောက်ပတ်တီး ဘယ်တော့စဖြည်ရမှာလဲ”…

ဆရာမက သိသာထင်ရှားထူးခြားနေတဲ့ ကျွန်တော့်ရဲ့ ခြေထောက်ကကျောက်ပတ်တီးကို မနေနိုင်မထိုင်နိုင်တစ်တန်းလုံးရှေ့မှာ မေးလိုက်ပါတယ်…

“ဒီတစ်လကုန်မှဖြည်ရမှာပါ ဆရာမ”…
“သြော်.. အေးအေးဂရုလည်းစိုက်ဦးသား.. ဆယ်တန်းကအရေးကြီးတယ်နော်..”
“ဟုတ်ကဲ့”

ကျွန်တော့်ရင်ထဲမှာ သက်ပြင်းအရှည်ကြီး ချလိုက်မိပါတယ်..ဒီဆယ်တန်းဆိုတဲ့ အရာ ဘယ်လောက်အရေးကြီးတယ်ဆိုတာကို ပြီးခဲ့တဲ့ တစ်လလုံး ဖေဖေ မေမေ ဒေါ်လေးတို့ ပြောတာနားထောင်ခဲ့ရသလို တွေ့သမျှလူအားလုံး ဆရာမက အစ သူငယ်ချင်းတွေကအဆုံး..တွေ့သမျှလူတိုင်း ပြောနေလိုက်ကြတာ…ကျွန်တော့်ကိုသက်ပြင်းချ စိုးရိမ်လာတတ်တဲ့ အထိပါပဲ…

ဖေဖေ မေမေတို့ နှစ်ယောက်ကလည်း ဘယ်ကျူရှင်ဝိုင်းထားမလဲ ဘယ်ဂိုဒ်ခေါ်မလဲကိတ်စနဲ့ တစ်နေ့တစ်နေ့ ငြင်းလို့ခုန်လို့ နောက်ဆုံး ကျွန်တော့်ခြေထောက် အခြေအနေရ ဆရာဆရာမတွေကို အိမ်ခေါ်ပြီး ကျူရှင်ခေါ်သင်ဖို့ ဆုံးဖြတ်ခဲ့ကြပါတယ်… ဒေါ်လေးကလည်း ကျွန်တော့်ကို အရိပ်တကြည့်ကြည့်နဲ့ မျက်စိအောက်က ကိုအပျောက်မခံ တော့တာပါ… ကဲကျွန်တော်သက်ပြင်းမချသင့်ပေဘူးလား… ကျွန်တော်တို့ ခေတ် ဆယ်တန်းကျောင်းသားတွေဘ၀ရဲ့ စိတ်ဖိအားက တော့ပြောမယုံ ကြုံဖူးမှပဲ သိပါလိမ့်မယ်…


ကျောင်းဆင်းချိန်ရောက်တော့ ဒေါ်လေးက ကျွန်တော့်ကို ကျောင်းဝမှာလာကြိုပါတယ်… အရင်က ကျွန်တော့် စက်ဘီးလေးနဲ့ ကျွန်တော်ဘာ့သာလွတ်လွတ်လပ်လပ် ကျောင်းသွားကျောင်းပြန် ဘ၀ကို ပြန်တမ်းတမိပါတယ်… အနည်းဆုံးဒီလကုန် ရင် ကျွန်တော့် ခြေထောက်အရင်လိုပြန်လွတ်လပ်တော့မှာပါ… ချိုင်းထောက်နဲ့ တော့ ဘယ်လောက်ကြာကြာဆက်နေရမလဲဆိုတာတော့ မသိသေးဘူးပေါ့ဗျာ… ဒေါ်လေးတွဲခေါ်သွားပေးလို့ ကျွန်တော် ကားပေါ်ကို မြန်မြန် ရောက်သွားပါတယ်… အိမ်ကိုပြန်တဲ့ လမ်းမှာ ကျောင်းစိမ်း အဖြူအစိမ်းလေးတွေကို ပြန်မြင်ရတော့ ကျွန်တော်တစ်ချက်ပြုံးလိုက်မိပါတယ်…သူမရော ကျောင်းစိမ်းအဖြူလေးနဲ့ ဘယ်လောက်ကျက်သရေရှိလိုက်မလဲလို့…

ကျောင်းကနေအိမ်ကို ဒေါ်လေးကားမောင်းနေတုန်း
ကျွန်တော်ဒီတစ်ခါ ဖုန်းကိုင်ရင် သူမ ဖုန်းမချအောင် ဘယ်လိုပြောရမလဲ ဆိုတာ… စဉ်းစားခန်းဝင်နေမိပါတယ်…
“ကျွန်တော် စည်သူ ပြောနေပါတယ်…ဟယ်လို…ဟယ်လို….”
“အခုပြောနေတာ ဘယ်သူလဲခင်ဗျ…ဟယ်လို”
“ကျွန်တော်ဖုန်းကိုင်ထားတာ ၅မိနစ်ရှိပါပြီနော်.. ကျွန်တော်ဖုန်းချလိုက်ပါတော့မယ်”
အရင်က ဆို ဖုန်းသရဲတွေကို ဆဲနေကျ ကျွန်တော်က သူမများဖြစ်မလားဆိုတဲ့ မျှော်လင့်ချက်နဲ့ သူမအမှတ်နဲ့ကို ကျွန်တော် စိတ်ရှည်ရှည်ထားပြီး တစ်ဖက်က အသံထွက်လာအောင် နည်းမျိုးစုံပြောပါတယ် …

သေချာတဲ့ တစ်ချက်ကတော့ ဒီဖုန်းနံပါတ်တစ်ခုတည်းက ဆက်နေတာကို ကျွန်တော့် ဖုန်းက caller IDက မှတ်ပေးထားလို့ လူတစ်ယောက်တည်းကပဲဆက်နေတာလို့ ကျွန်တော် ကောက်ချက်ချလို့ ရနေတာပါ…
ကျွန်တော်အဲဒီ ဖုန်းနံပါတ်ကို ပြန်ဆက်တာလည်း အကြိမ်ကြိမ် ဘယ်တုန်းကမှ ကျွန်တော်ဖုန်းကို ပြန်မကိုင်ဘူးဗျ…ဒီနေ့ဆက်လာရင်တော့ အဲဒီဖုန်းနံပါတ်ဆိုရင် ကျွန်တော် ပြောချင်တာတွေပြောချလိုက်တော့မယ်လို့… ဆုံးဖြတ်လိုက်တယ်…


ညစာစားပြီး (၇)နာရီမှာ တစ်အိမ်လုံး ကိုးရီးယားကားကြည့်နေတဲ့ အချိန်.. ဒီအချိန်ဆိုပုံမှန် လာနေကျဖုန်းကို စောင့်ကိုင်ဖို့ ကျွန်တော် အခန်းထဲမှာ စာကျက်ချင်ဟန်ဆောင်နေပါတယ်…
ဖုန်းမြည်ခဲ့ရင် အမြန်ဆုံးကောက်ကိုင်ဖို့ ဖုန်းနဲ့ အနီးဆုံးမှာ ကျွန်တော်ရှိနေပါတယ်…

“တီ …..တီ …”

ပထမဆုံး ဖုန်းမြည်တာနဲ့ ကျွန်တော် ကောက်ကိုင်လိုက်ပါတယ်..
caller ID ကို စစ်လိုက်ပါတယ်… သေချာတာပေါ့ဗျာ … အဲဒီဖုန်းပဲ…


“ဟယ်လို” ကျွန်တော် စထူးလိုက်ပါတယ်…
“…. ”
“ဟယ်လို ဘယ်သူနဲ့ ပြောချင်လို့ပါလဲ”
“……”
“ကျွန်တော့်ကို တစ်ခုခုတော့ ပြန်ပြောပါလားဗျာ…”
“….”
“ကျွန်တော် ဖုန်းကို ဘာမှမပြောဘဲ မကိုင်ထားတတ်ဘူးဗျ..တကယ်လို့ ကျွန်တော်တစ်ယောက်တည်းက ပဲ တစ်ဖက်တည်းက ပြောနေမယ်ဆိုရင်လည်း ကျွန်တော်အရူးကြီးဖြစ်နေမယ်လေ…ဘယ်သူဆက်နေမှန်းလဲမသိ..ကျွန်တော့်ဘက်ကို စာနာတယ်ဆို တစ်ခုခုတော့ ပြောသင့်ပါတယ်ဗျာ”
“စည်သူ နေကောင်းလား…”
သူမရဲ့ အသံ ကို ပထမဆုံးကြားလိုက်ရတဲ့ ကျွန်တော် ဘာလုပ်လို့ဘာကိုင်ရမှန်းမသိ..ဘာပြန်ပြောလို့ ပြောရမှန်းမသိဖြစ်သွားတယ်…တစ်မိနစ်လောက် ကျွန်တော် နှုတ်ဆိတ်သွားပြီးမှ…
“ဟုတ်ကဲ့ကောင်းပါတယ်.. ခင်ဗျား စကား စပြော ပြီပေါ့နော်… ကျွန်တော်အရမ်းဝမ်းသာပါတယ်…ခင်ဗျားဘယ်သူလဲဆိုတာ ကျွန်တော်မေးခွင့်ရှိမလား ဟင်..”
“…………………….”
“ဒါမှမဟုတ် ကျွန်တော်ခန့်မှန်းကြည့်လို့ ရောရမလား ”
“စည်သူပဲ ခန့်မှန်းကြည့်ပါ…”
“ကျွန်တော့်ဘ၀မှာ ပထမဆုံးသော တစ်ဦးတည်းသော ကျွန်တော်စိတ်ဝင်စားတဲ့ မိန်းကလေး တစ်ယောက် ဖြစ်လိမ့်မယ်လို့ ကျွန်တော်ထင်နေတယ်…”
“………”
“ ရွက်ဝါ မဟုတ်လား…”
“…….”
“ဟုတ်တယ်မဟုတ်လား ရွက်ဝါ….”
“ဟုတ်ပါတယ် စည်သူ…ရွက်ဝါပါ…”

ကျွန်တော့်ရဲ့ နှလုံးသားတစ်စုံမှာ ဖျောက်ပစ်လို့မရတဲ့ သူမရဲ့ ခြေရာလေးတွေ ရှိသလို… သူမရဲ့ နှလုံးသားတစ်စုံမှာလည်း ကျွန်တော့်ရဲ့ ခြေရာလေးတွေ ရှိနေတယ်ဆိုတာ ကျွန်တော်သိလိုက်ရပါတယ်...
…ကျွန်တော်တို့ တွေ… အိပ်မက်ထဲကလို လယ်ကွင်းပြင်ကြီးထဲမှာလည်း ပြေးမဆော့ခဲ့ရပါဘူး…ကျွန်တော့်ပုခုံးထက်မှာလည်း သူမ မမှီနိုင်ခဲ့ပါဘူး… သူမနဲ့ ကျွန်တော်မျက်နှာချင်းဆိုင်လည်း မတွေ့ဖြစ်ခဲ့ကြပါဘူး…ကျွန်တော်တို့ နှစ်ယောက်က ဆယ်တန်းကျောင်းသူကျောင်းသား ဆိုတဲ့ ခေါင်းစဉ်အောက်မှာပဲ… ဖုန်းလေးနဲ့ တစ်နေ့ကို ၁၅မိနစ် စကားလေးတွေပြောပြီး ကျေနပ်ခဲ့ရပါတယ်... ကျွန်တော်တို့ရဲ့ နှလုံးသားက ခြေရာလေးတွေကို အကောင်အထည်ဖော်ဖို့ သူရောကျွန်တော်ပါ သဘောတူ ထားတဲ့ ဆယ်တန်းစာမေးပွဲကြီးပြီးတဲ့နေ့ မရောက်မချင်းပေါ့ဗျာ…